何超蓮早前在IG大派福利，展示浸溫泉大露背照片，性感賀破50萬人追蹤，大受男性和網民歡迎。昨晚超蓮胸前透視性感谷胸，在中環出席品牌活動，並表示為尊重場合打扮，非刻意性感。
派糖後反應熱烈，但卻被母親訓示，她說：「好多朋友都話死啦！咁100萬點算，媽咪睇到就好嬲，叫我唔好post呢啲相，為咗聽取媽咪意見，決定100萬就唔post。」
超蓮弟弟何猷啟和太太Gigi秘婚一年，日前猷啟出席活動時自爆已婚，令超蓮感驚訝，她一直為弟弟守秘密並說：「我有參加婚禮，好神奇，唔知佢嗰日會講呢件事。媽咪都好高興，有一齊去觀禮，佢鍾意低調，盡量唔講，自己知咪得囉。」
超蓮沒有特別送上禮物給猷啟，但有幫手籌備婚禮及安排拍攝，但不肯透露婚禮地點。
猷啟表示希望生龍鳳胎，而超蓮和猷啟正好有這個基因，她說：「咁大鑊？暫時未有好消息公佈。」猷啟婚後間中和家人同住，超蓮和弟婦Gigi成為好友，超蓮說：「本來想約佢去嘉年華玩，但細佬話想二人世界。」媽媽急於抱孫？超蓮說：「個個都想，但媽媽近期抱貓多，明明有敏感都話冇。」
弟弟爬頭結婚，問到超蓮有沒有被催婚？她說：「真係冇，媽咪而家成日宣揚唔一定要結婚，女性要有自己事業，唔使急結婚。」此外，賭王何鴻燊仍在養和醫院，超蓮說：「冬天爸爸唔會走嚟走去，醫院都好似屋企一樣，幾舒服，唔急住出院。」
(apple daily)
