入行廿年幾乎是緋聞絕緣體，緋聞男友只得一個林國斌，傳二人暗交7年，但男方早有一位拍拖多年的圈外女友，令感情未能開花結果。
日前《蘋果》在天后見到周家怡與一名中年男士同車，家怡坐在乘客位，二人落車後傾到雞啄唔斷。
當晚約10時，周家怡的白色私家車停泊在天后電器道路邊，但負責揸車的不是家怡，而是一名中年四眼男士。家怡落車後走到司機位旁，與四眼男一齊踎低，似是研究汽車保養問題。
二人傾了大約15分鐘，家怡之後坐上司機位，而四眼男就隔住車窗與家怡繼續傾了一會，其間還用毛巾幫手抹乾淨車身和倒後鏡，十分體貼。
《蘋果》致電問家怡是否有新戀情？她解釋：「朋友嚟㗎，識咗好多年，我初戀男友啲朋友。絕對唔係，絕對唔係，因為識咗好多年喇，朋友。咁佢職業係做汽車美容，佢啱啱幫我拎架車去整，整完之後畀番我。」她稱至今仍是單身，問到新一年會否希望有真姻緣？她苦笑說：「先求事業，想事業好啲先，姻緣天安排啦，天注定嘅。」
家怡離開港視後，早前有機會參與電影《無雙》，與影帝周潤發和郭富城合作，戲中她塑造全新形象，剷髮激瘦演出，令人眼前一亮。問到未來工作？她說：「開緊劇，但未能透露呀，香港會睇到嘅，哈哈。」
(apple daily)
