藝人陳小春到澳門出席「德晉集團春茗活動」，正忙於內地巡唱的他表示緊接會天津、武漢演唱，4月就在澳門。問到何時輪到香港站？
他謂：「紅館好難攞期。（入過紙？）我唔識搞呢啲嘢，咁2019年唔得咪2020年囉！」小春自言日前有到紅館給伊健探班，那刻都有心癢癢，已約了錢嘉樂、林曉峰、謝天華一齊去捧場。做埋嘉賓？他說：「唔好搞住人啦。」
記者提議小春自資到紅館開騷，他指其實找老闆不難，但若只開一場就有難度。
講到伊健首場演出時不慎「跌咪到台底」，但表現淡定立即執生，小春說：「知道呀，佢醒呀，呢啲教都教唔到，執生勁呀！（你有冇試過跌咪？）應該就冇，但冇拉褲錬、跳舞甩鞋都試過，咪跳住去着番隻鞋囉！」
另外，對於有傳再做老竇，他謂：「多謝你哋，心地好好，有一定話畀大家知！（阿仔有冇叫你哋生多個BB？）佢有講過要個細佬細妹咁囉。」
(on.cc)
