「零負評女神」林依晨自2014年同老公林于超結婚後，因為老公要喺美國分公司做嘢，所以依晨惟有兩邊走。
佢哋平時聚少離多，「Long D」生活嚴重影響造人計劃，而依晨都心知不妙，自拍完內地古裝劇集《小女花不棄》後就冇再安排工作，直到今年底都冇再計劃拍戲，全面停工，睇嚟佢疊埋心水準備生豬B！
依晨亦開腔坦言︰「我已經做好準備一段時間了，會繼續準備。」
據知依晨之後會跟老公返美國過二人世界，估計會為目標「全力衝刺」。
而依晨都笑言有好多姊妹都送「孕棉」（指孕婦在懷孕之前，最後一次月經來時拆封卻未用完的衛生巾，相傳這片沾滿喜氣的衛生巾，能夠增加渴望懷孕的人妻的機會）畀佢以作鼓勵，傻笑話︰「數不清了。」
(on.cc)
