結婚在望嘅袁偉豪（Ben），雖然未向女友張寶兒求婚，但係兩人打風都打唔甩！
連粉絲都寫信祝福佢哋，仲重提10年前一件事！
呢位粉絲話：「想講係（喺）10年前我仲讀緊小學，我一家四口去踩單車去到過咗馬場划艇會個（嗰）度，有個消防局嘅位置，我媽媽比（畀）個肥仔撞低左（咗）我嗰時睇唔到，袁偉豪經過落車扶起左（咗）我媽媽，咁我梗係即刻落車衝過嚟個啲，佢就幫手睇吓啲傷勢，好彩只係擦傷（咗），我肯定冇認錯人，因為細細個好鍾意睇香港先生，多謝都唔記得講，嚇到我傻，然後就走咗！Thank you 希望你娶到張寶兒」
粉絲仲話希望袁偉豪娶到張寶兒添~
阿Ben就喺Instagram轉載，但對於此事就冇咩印象：「真的有這事嗎？」不過相信呢位網民知道「救命恩人」睇到應該可以安心喇！
而琴晚佢就笑言要離港「避風頭」，不過佢澄清只係去緬甸拍《使徒行者：諜影行動》！
得到粉絲鼓勵，唔知同寶兒幾時有好消息呢？
相關新聞：
【袁偉豪秘婚返港先公布婚訊！？】張寶兒冧爆：我跟你 https://goo.gl/KHWZZZ
(綜合報道 / ig / on.cc)
