林海峰(Jan)和廖子妤昨晚到銅鑼灣出席服裝品牌活動，Jan表示白沙道這條街帶給他很多回憶，因多年前曾在此地開時裝店…
「都好多年前嘅事，做咗兩、三年，當時嘅租金已經好貴，呢度係英雄地，做得好吃力，雖然蝕錢但係蝕得好開心，因為自細就係呢一帶出沒，呢度以前有好多我鍾意嘅舖頭，係一個好值得紀念嘅時間。」問他會否再戰時裝界？他笑說：「再戰？唔會喇，我已經退咗休。」
至於會否再做舞台劇《短暫的婚姻》？
此舞台劇大受歡迎
他說：「唔知呀，可能會搵第二個做round 2，有就梗係最好，我哋成個合作好開心，我又學到嘢，但係呢啲工作可遇不可求，不過今年9月有其他嘢做，應該唔會接舞台劇。」
早前有傳媒拍得老婆彭羚與14歲細女林清一齊放狗，他笑說：「而家我屋企又多咗個女，佢係澳洲嚟嘅新成員，今年一歲，o氹到全家人都好開心，寵物真係帶畀人歡樂。」他承認家中較以往嘈吵：「之前係有意見嘅聲音，但係而家好一致，呢啲係笑聲笑聲，滿載溫馨。」
(綜合報道)
