現年48歲嘅藝人鍾麗緹，2017年嫁畀細佢12歲嘅大陸男星張倫碩，婚後想盡辦法為老公博生第四胎，舊年仲特地去美國做試管嬰兒。
根據台媒報導，鍾麗緹雖然為兩任前夫先後生咗3個女，但佢仍希望為張倫碩再添家中新成員，不惜高齡都飛到美國做試管嬰兒，年中亦被拍到進出婦產科，積極調養身體備孕。
咁啱就接到《一吻定情》（即《惡作劇之吻》電影版）劇組第一次邀約，當時佢以正在備孕推咗，幾個月後劇組又第二次搵佢，佢仲一口答應，即使飛到台灣決準備同拍攝時，亦搵埋醫生備孕…
點知套戲拍到一半，佢接到醫生電話，通知有「狀態唔錯」嘅胚胎能進行療程，不過佢就佢考慮到片中可能會有跳舞戲份，就拒絕咗試管嬰兒療程，就咁就錯失咗佗第四胎嘅機會。
雖然今次機會冇咗，但佢仍樂觀表示會持續調養身體，等身體以及心情唔好有壓力，活得開心就好，至於其他就順其自然。
(on.cc)
