藝人余文樂（樂仔）一直都好保護囝囝余初見(Cody)，就算PO湊仔相都只係曬側面照，從未讓囝囝曝光！
早前樂仔同台灣男星彭于晏家姐彭于藍（Lan）gathering。
點知Lan就喺社交網上載咗幾張樂仔抱住BB嘅合照。
引起網民熱烈爭議相中BB究竟係咪樂仔嘅囝囝余初見。
雖然Cody嘅樣貌再次成為焦點，不過睇嚟無礙樂仔夫婦保護囝囝嘅決心！
呢日，樂仔老婆王棠云（Sarah）再晒出湊仔嘅生活照，相中Cody繼續以側面示人，始終未有曝光「真面目」。
睇番啲相，Sarah分別上載兩張餵囝囝食飯嘅相，第一張見Cody超乖咁等媽咪餵食飯，但第二張相嘅佢就失晒控爬向窗邊，搞到Sarah勁無奈。
原來，呢兩張圖分別代表「理想中」同「現實中」餵BB食飯嘅情景…Sarah更搞笑咁留言：「只有媽媽們懂，吃飯速度會胃痛，但我還是愛你啦。」即引起唔少媽媽共鳴！
(綜合報道/on.cc)
