藝人鍾嘉欣去年八月誕下囝囝Jared Anthony，現時囝囝快將半歲，大女Kelly亦已兩歲半，湊夠一個好字，在加拿大享受家庭樂。
嘉欣在農曆年前專程由溫哥華回港拍攝廣告，名副其實搵奶粉錢。現在要照顧一對孩子的鍾嘉欣變身「Superwoman」，工作暫時放在一邊，全職湊仔。
嘉欣親力親為湊仔女，大女Kelly轉眼已經兩歲半，兒子Jared亦接近半歲，但湊一個小朋友與兩個卻是兩回事…
不過嘉欣也大讚兒子很乖，有事才會喊，食得飽，睡得好，還經常笑，是個Happy Baby，現在五個月已經二十磅，體重是女兒同齡的一倍。
嘉欣現時以母乳餵兒子。問到嘉欣可會再生BB？她笑說：「同老公商量過，六、七年後先再諗，一仔一女已經好幸福，依家已經冇自己時間，仲要好多時一路煮飯；一路用腳搖住BB籃，以前係小妹妹，依家一個人兩隻手乜都可以做到，直情係Superwoman。以前唔識煮飯、唔識理財、人哋安排好時間表，做媽咪雖然辛苦，但係令到我雙手更有能力。」
現在是全職媽媽的嘉欣坦言未有拍劇計劃，現在孩子放在首位，因由零到四歲對小朋友很重要。嘉欣之前曾想過家庭事業兩者兼顧，但之後發現很難實現，衡量過之後還是以家庭為主，經歷令她豐富人生。
她說：「呢三年有20個月係佗住BB，仲有24個月要餵人奶，以前諗家庭事業兩者兼顧，但其實好難，都係以家庭為先，冇時間諗事業，時間許可先會工作。」
今次回港拍廣告外，嘉欣更親自為廣告片作曲填詞及演繹，歌曲是在大女Kelly九個月大時創作，當時正正是嘉欣抱着女兒睡覺，腦海突然浮現旋律，立刻錄起，兩星期後就填詞，老公和家人都很喜歡這個作品，有機會大派用場做廣告歌是一個美好回憶，嘉欣近四年沒有錄歌，希望大家喜歡新作，並構思未來做導演。至於會否重返樂壇出碟，她說：「暫時只專注呢一首歌先，如果要簽唱片公司對我嚟講有啲困身，一步步嚟。今次可以創作唱歌已經係夢想實現，十幾年都冇試過，估唔到可以做到。」
(綜合報道)
