蕭正楠和黃翠如於去年12月在無綫《萬千星輝頒獎典禮2018》中宣佈已婚。
自從結婚之後，兩公婆放閃嘅頻率高咗好多，睇到網民都話成日畀佢哋閃親。
前日情人節當然都要放閃啦！真係好Sweet~
成為蕭太的翠如入得廚房出得廳堂，都咪話唔犀利！
咁仲未完，翠如更打得上球場！
今日翠如在她的IG貼相，和老公享受戶外晴朗天氣，結伴去打羽毛球做運動，她留言寫住︰「一決高下」，還tag了「運動天才」。最初翠如貼了一張只有兩支球拍及二人倒影的相，不少網民留言問︰「兩公婆打波sweet sweet，你勁啲定佢勁啲」、「蕭生教你」、「翠如，我睇好你，你一定唔會輸嘅（你老公唔會敢畀你輸）」
相隔約兩分鐘，翠如再貼相，今次終於揭盅，翠如真是和老公蕭正楠打羽毛球，相中二人深情互望甜到漏，翠如還留言︰「誰怕誰」。看到蕭生蕭太放閃，不少網民留言︰「睇個樣就知佢怕你啊，因為你係無敵㗎嘛」、「今天閃盲了」、「救命吖閃死啦」等留言，網民更鼓勵二人多做運動添！
(IG/綜合報道)
