27歲的陳凱琳(Grace)於去年8月與拍拖3年的鄭嘉穎在印尼峇里島舉行婚禮，之後宣佈懷有身孕，早前更透露今胎陀仔，認真可喜可賀。
昨日仲大曬大肚寫真片段，真係超索！（相關新聞：
對於預產期，Grace一直保持神秘，日前她相約好姊妹龔嘉欣和飲食作家Bonnie Chu到銅鑼灣禮頓中心afternoon tea。當日下午大約三點，記者發現穿上黑裙襯黑Boot的Grace個肚已經籮咁大，好似隨時生得，見她刻意用牛仔褸遮肚，而且戴上口罩。
入到餐廳後，Grace和龔嘉欣先坐低，Bonnie和囝囝及外傭姐姐之後抵達，Grace原本想起身移位，龔嘉欣即叫停Grace﹕「唔好郁！」擔心大肚婆起身坐低太辛苦，寧願自己讓位。
三個女人有講不完的話題，其間見Bonnie起身，隔住張枱伸手摸摸Grace的巨肚，相信亦有傳授不少育兒心得給對方。
大約半小時後，Grace先行離開，由於不想行樓梯，Grace寧願行去較遠位置搭lift，她說：「係呀，飲吓嘢之嘛。」見她拎住兩大袋物品，問是否買了很多東西？她說：「係呀。」之後轉場到另一商廈，禮貌向記者揮手說再見。
Grace接受傳媒訪問，問到預產期幾時？她以英文回覆：「我哋想保持私隱。」問到陀B期間有沒有不適？她說：「有時啦，但現在好好多。」老公鄭嘉穎有否貼身照顧？她冧爆說：「佢有呀！佢每日都好照顧我。」
(綜合報道/apple daily)
