馬國明黃心穎呢一Pair愈愛愈甜蜜，馬明更融入黃家，不時都會跟女友參加黃家嘅聚會～
新年更做「跟得男友」同黃心穎返鄉下拜年！
更心穎亦會同馬明孖住出席聚會，真係甜到漏！
昨日係馬國明45歲生日，正在忙拍無綫劇《降魔的2》嘅佢喺工作中度過。
同劇演員劉佩玥、胡鴻鈞（Hubert）及劇組人員送上蛋糕為佢慶祝，而Hubert仲祝佢：「早日成家立室工作滿滿身體健康！」
而另邊廂，心穎就當然冇忘記啦，佢喺Instagram上載整蛋糕嘅相，仲搞到十指染上藍色。
但點知個樣太似漢堡包，搞到網民笑言「今次夠寫實」、「個賣相…」
不過其實係保持神秘冇公開完成品啫！
咁鬼Sweet，唔少人都讚佢入得廚房出得，又問佢幾時整「老婆餅」呀，而佢就留言多謝湯洛雯悉心指點！
不過尋晚佢就去咗莊思明嘅生日Party，睇嚟個蛋糕係留嚟今日為馬國明補足生日兼慶祝情人節噃！
(綜合報道/on.cc)
