歌手鄭俊弘（Fred）與女友何雁詩公開戀情後承受唔少壓力，屢傳情變，經歷唔少風風雨雨，不過何雁詩強調︰「我哋super OK！」
早前Fred被傳8月到峇里參加朋友婚禮時，背住女友與一名女子夜蒲態度親暱（相關新聞：https://goo.gl/j3KSdz）。
但傳聞無損Fred與女友的感情，何雁詩對男友相當信任（相關新聞：https://goo.gl/8Rq2DX）。
日前二人到外地旅行散心。
呢日何雁詩喺社交網激罕PO咗一張性感泳衣照。
穿上白色Top的她美好身段表露無遺，更上一張萌樣嘟嘴相當嬌俏，心情似是冇受男友的緋聞而影響，仲留言：「Aloha，來到夏威夷5天終於可以穿上泳衣去海灘啦！這幾天一直打風，帶了四套泳衣都沒機會去玩水，今天機會黎（嚟）啦飛雲。」睇嚟勁開心喎！
張相出咗之後勁吸Like，連黃心穎同蔡思貝都忍唔住留言話佢hot！
網民都留言讚她身材弗爆：「去夏威夷當然要游水同曬太陽啦！你fit到核爆喎！小心『金仔』找你買核武呀！」大台藝員林景程就留言話：「做咩要key自己個頭去人哋啲model個身度？」何雁詩得戚回覆：「個model係咪我？」
4日前，何雁詩還貼了孖父親的背影相，留言：「Honeymoon with daddy」原來今次夏威夷之旅，何雁詩的家人都有同行，看來鄭俊弘已成功融入女友家。
3日前，何雁詩又晒旅行相並配上許廷鏗《青春頌》歌詞：「記住要共最美的人分享每個夜晚。別忘掉原是靠堅持醫好每個傷患。既是有力挺起胸膛即管好好作反。無懼雨水沾濕兩眼。」
(綜合報道/on.cc)
