組合農夫成員C君日前宣布向DJ女友黃天頤求婚成功，今日黃天頤現身活動時表示兩人會於今年底結婚。
「唔想太急，因為聽人講好多嘢要籌備。」問到男友求婚時，她可有感動到喊？
她坦言：「一開始我冇喊，但見到佢眼濕濕，我就忍唔住喊。我都有啲估唔到，平時佢口才好過我，但求婚時口窒窒，而且拍拖咁耐好少見佢喊，所以令我有啲驚訝，原來真係會咁激動。」
至於生育大計，天頤稱暫未有打算，揚言自己較傳統，會婚後才造人。有網民稱C君患有地中海貧血症，不宜生小朋友。
C君出世時已患有重型地中海貧血，C君接受訪問時，亦有提及這病，他表示父母都有地中海貧血病源，遺傳了給他，他當年每天都要進出醫院，又經常到醫院接受輸血。
C君指現時演藝事業時間不穩定，安排輸血較為彈性，若情況許可，不用4星期就去輸血，C君又表示若然要繼續接受輸血，也不會覺得辛苦。雖然他患有此病，且經常要輸血，但他一直以樂觀態度來面對，很多人甚為欣賞他！
童年時的他當時說：「平時要嚟配血，唔配血你冇血輸，咁放學時走去配血，人哋放學時去打波，我要去配血，幾煩，不過唔係幾辛苦，唔返嚟輸血會死，梗係返嚟輸血啦。」
未婚妻黃天頤回答：「其實依家嘅科技係可以預先檢查BB係咪有呢個病，而且我哋都想講畀大家知，有呢個病唔代表人生就此玩完，C君就係一個例子，雖然佢有地中海貧血症，但都可以為大家帶來歡樂。」黃天頤不僅接受未婚夫患病，且從對答中透露出會與他一起面對未來的人生。
（綜合報道 / on.cc）
