袁偉豪(Ben)、張寶兒、黃致豪、黄長發、鄧穎芝、謝東閔與可嵐等今日到珠海，參與Kart車慈善賽，黎偉業代表將籌得十萬元交予東華三院。阿Ben透露女友寶兒曾經贏得女子組盃賽，寶兒指若果跟男友落場比賽，一定輸給對方，閒時兩人會研究賽車，但以安全為上。阿Ben指今次慈善賽是自己跟致豪做搞手，適逢在農曆年空檔舉行。
初時接觸賽車，寶兒自嘲經常打白鴿轉，阿Ben笑指大家記得女友全因在賽道上被她撞過。講到在現實生活中駕駛技術，阿Ben指女友仍有進步空間，寶兒表示男友很嚴厲，有如教車師傅，阿Ben說：「傳授正面態度畀佢，我又坐得安心啲，佢係叻咗。」
農曆年兩人都有互相到對方家拜年，每當收親戚利是時都被催婚及叫食糖蓮子，阿Ben笑言：「唔通唔食咩，我哋跟自己步伐，噚日同黃翠如食飯，佢話介紹海外註冊邊啲承認，邊啲唔承認。」
阿Ben表示有意在海外註冊，寶兒笑說：「佢自己諗，我諗咗目前比賽先。」
致豪坦言熱愛車，曾經希望成為賽車手，他自豪說：「我揸車幾叻，希望可以似郭富城同林志穎咁成為代表藝人車手。」但自從有家室後，太太已禁止他賽電單車，不過在房車便可盡情玩。
弟弟長發表示今次落場純粹感受哥哥與阿Ben可以抛離自己多少，現時在港開始模特兒公司，已婚的長發說：「做吓小生意，都想生BB，豬年勤力啲。」他都有興趣作幕前演出，但不似以前般進取，他更笑說：「我演技都冇乜進步。」
