林峯同女友張馨月關係穩定，佢不時都會帶女友出席圈中好友聚會，形影不離。
今年1月更帶對方返鄉下祭祖，當時佢仲似足新郎哥咁胸前綁上綵球！
張馨月正式融入林家～
而到咗新年，林峯今次就跟女友返鹽城射陽老家，見女家親戚，睇嚟真係隨時結婚！
相中所見，一眾人喺酒樓食團年飯，當大家敬酒時，林峯都好識做一齊企起身，隨意翹埋雙手笑容滿面，而張馨月就似足小女人坐喺身邊托頭同親友傾偈！
林峯身邊就有位女士疑似係張馨月媽媽，表現High爆，睇嚟大家都對呢位「家人」非常滿意噃！
(綜合報道/on.cc)
【被捕獲同張馨月回鄉拜年見「外母」】林峯笑笑口好識做！
