英皇高層兼經理人霍汶希（Mani）於2011年自爆未婚懷孕，同年喺美國誕下女兒Honey。
平日Mani都好少會提及囡囡，佢自己嘅社交網站多數都係同英皇旗下嘅藝人朋友嘅生活同工作照，對私生活都比較低調。
Mani早前罕有在IG貼出愛女Honey親手寫的賀卡，她祝媽媽身體健康、年生貴子、新年快樂，看到Honey的祝賀語，令Mani很無奈，Mani留言：「今年Honey畀我的賀年卡，是否玩嘢？」（相關新聞：https://goo.gl/mrp2t9）引來好多網民搞笑留言，連好姊妹Joey、阿Sa、Yumiko都唔例外。
佢呢日竟然又Post咗同一位細路女嘅合照上社交網站，搞到網友都議論紛紛，唔知係咪佢囡囡！？
相中見Mani同個女仔喺一間餐廳嘅戶外範圍用餐，原來呢個係佢家姐嘅囡囡，見佢坐喺阿姨大髀、對住阿姨坐，勁Close，連Mani自己都忍唔住留言：「我的小法拉已經變長大了，變了一位美少女❤❤❤」網民都大讚姨甥女星味濃，仲話佢有幾分似林夏薇添！
連阿Sa都忍唔住留言大讚！
眾所周知Mani做金牌經理人之前係做Model嘅，拍埋其他藝人身邊都一樣好Sharp，姨甥女遺傳咗嘅霍家美貌，唔知遲吓會唔會由阿姨帶入行呢？
(綜合報道/on.cc)
