【蟹籽好Cute~】《愛．回家》真係超有愛！

新年係團聚嘅好時機，就連平時日見夜見嘅《愛．回家之開心速遞》演員都要見一見，真係冤氣呀！

「熊若水」呂慧儀喺Instagram上載大合照，除咗佢帶埋囝囝、馬貫東、蘇韻姿、周嘉洛及吳偉豪都喺度！

原來年初二佢哋去咗單立文屋企拜年！

佢哋仲似足拍《愛．回家》咁，排隊𢭃單立文及胡蓓蔚封利是，個個笑到四萬咁口講祝福句子，交足晒戲。

呂慧儀都笑笑口話：「啲祝賀詞直頭聽出耳油！」

網民都話好似睇緊《愛．回家》，好羨慕佢哋感情真係好似家人咁，真係好有愛呀！

(on.cc)