今日係藝人楊千嬅45歲生日，老公丁子高已經提早為愛妻準備生日派對，仲特意將公司團年飯安排埋一齊搞，同公司其他都係水瓶座嘅工作人員共同慶祝。
千嬅6歲囝囝Torres都有現身，相中見千嬅都笑得好冧呀！
丁子高仲繼續灑糖霜喺自己社交網出Post講肉麻嘢冧老婆：「人生最大嘅成就之一就係可以令到身邊嘅人一輩子都笑得咁開心😅#雖然有少少肉麻 #不過真係好想講 #老婆生日快樂」網民都大讚丁子高係暖男老公，大嗌好羨慕！仲話丁子高都畀千嬅嘅開心影響到佢哋成個家庭都好幸福呀！
而壽星女今日就喺Instagram留言：「感謝我親愛的家人，窩心的好朋友，合作無間的工作伙伴，所有盡心盡力的好同事，一直在我身邊守護著（着），祝你們身體健康，心想好事成❤️當天是爸爸的農曆生日，Happy birthday Daddy」
(on.cc)
