【有喜事宣佈!?】吳卓羲爭做花仔 黃宗澤就…

    黃宗澤和吳卓羲今天在九龍灣出席《飛虎之雷霆極戰》煞科暨團年晚宴,黃宗澤更負傷上陣,黃宗澤指受傷後只是休息了兩天便要工作,因為要拍攝一個大場口,記者指辛苦也只是替身辛苦,黃宗澤說:「都要拍大頭,都叫做動作戲,成日要扮行扮跑都好辛苦。」

    問到這部戲會不會「添食」,吳卓羲說:「都未食又點添,睇點擊啦,如果成績好都唔介意,反正大家都邊拍邊玩。」吳卓羲和黃宗澤更一起指看三哥苗僑偉會不會拍,因為要遷就三哥的檔期,最好不要太熱。

    問到新年如何過,黃宗澤就展示他受傷的腳說:「我咁嘅身世去得邊吖。」吳卓羲就建議他可以去溜冰、滑雪等等…黃宗澤指農曆年要做物理治療,因此要和治療師過。

    問到吳卓羲,他的好友林峯帶女朋友祭祖,又帶女朋友出來看似有要事宣佈…

    吳卓羲說:「冇通知過我喎,當日食飯我都在場,嗰日係賀梁烈唯(梁競徽)攞獎,就出咗一個咁嘅新聞,大家都嚟問我,一係佢收得好埋,一係冇發生過。」問到如果林峯結婚那一天,吳卓羲會不會做兄弟,吳卓羲笑言:「我做花仔囉(黃宗澤插嘴指自己做花車)!」

     

     

    (on.cc / appledaily)

    SHARE