王祖藍、毛舜筠（毛姐）、朴昭妍和洪天明，昨晚在圓方出席電影《你咪理，我愛你！》慈善首映，祖藍首執導演筒，對觀眾反應相當緊張，他笑言最近進行「潛行狙擊」，在不同時段入場看觀眾反應，令他信心大增。他說：「觀眾都接受廣東話嘅歌舞片，佢哋都覺得好得意，特別係好鍾意睇毛姐，男人鍾意睇身材（片中毛舜筠裝了50F的上圍），女人就鍾意睇演技，我真係去咗做臥底。」
毛姐指老公和囡囡看過首映後也大讚，尤其是囡囡，覺得媽咪做甚麼也很感動，祖藍說：「我覺得毛姐可以創一個先河，以歌舞片提名影后都得，有人同我反映覺得佢嘅喜、怒、哀、樂，完全有唔同嘅立體演技，仲要唱埋歌，歌精舞勁有演技，去邊度搵？」毛姐則謂不談獎項，笑言要祖藍加片酬最實際，問到是否已有合作大計？祖藍說：「一定會，而家都傾緊啲故仔，今次嘅票房數字都好好，暫時領先。」
提到祖藍個多月大的囡囡，太太李亞男笑稱不再生(相關新聞:https://goo.gl/M6yZ87)，祖藍即澄清說：「生，一年後啦，等傷口復原先。」
(apple daily)
