五位影后鄭裕玲（嘟嘟）、吳君如、毛舜筠、葉童和羅蘭出席尖沙嘴星光大道正式重開活動，獲邀進行打手印儀式。
君如穿上白色Jumpsuit中門大開最為性感，當五位影后完成打手印後，君如就爆料：「毛舜筠問佢第二時個『位』喺邊？」毛毛即笑說：「我怕喺你隔籬。」全場爆笑，君如笑道：「我喺講打手印個位呀！」
之後嘟嘟和君如接受訪問，嘟嘟稱參與這次活動感覺特別具意義，與四位都有合作過。君如亦言：「香港電影最光輝年代，有份參與，今日見到啲手印就好似同學會畢業簽紀念冊，好多祝福，睇到毛管戙！」
嘟嘟稱同樣榮幸能夠參與，希望繼續如當年的光輝年代。
君如自言都是現今新浪潮導演，嘟嘟即謂：「你係？」君如笑言：「搞錯，你唔知咩！我籌備緊新片。」君如即打蛇隨棍上，請嘟嘟再拍戲，但每次都被她3秒鐘KO。嘟嘟笑言：「睇你拍完出嚟成績點先啦！」
(on.cc)
