今日陸永在IG貼了一張相，留言話：「多謝 missussix 嘅嗅覺救番我條命，也為世界挽救了一張美好的臉！」
電視經常都有提醒大家要注意家居安全，尤其是電器用品和接駁電源的拖板或插蘇，一不留神，好容易會引起火警。
今日陸永在IG貼了一張相，相中是電話叉電線，接駁電話的一方已經燒熔了。原來這條叉電線在叉電期間燒着，幸好陸永太太陳莉娜（Reina）聞到有燶味，沒有放棄找出燶味的來源，才避免發生火警。
陸永留言講述整個過程，他說︰「今朝，瞓瞓吓陸太話房有異味叫醒我聞，我不嬲聞唔到嘢嘅，我話冇味，再瞓，隔多陣陸太再叫埋simsim同姐姐入嚟一齊聞，佢哋都話有怪味，但唔知乜味，我再瞓！陸太並冇放棄，俾佢搵到原來叉緊我電話條線已經燒緊，條線個頭直頭燒到冇晒咁滯，我部電話就熱到即將爆炸，而部電話係擺正喺我床頭隔籬！」
陸永掛住睡覺，幸好他有一位賢內助，不單止避免火警，陸永還搞笑的留言說︰「多謝 missussix 嘅嗅覺救番我條命，也為世界挽救了一張美好的臉！」不少網民都大讚陸太醒目，更有網民留言指陸永大命，叫他要好好多謝陸太，亦有網民問他是否原裝電話叉電線出事，不過陸永未有回應。
(apple daily)
