育有一子一女嘅前英皇小花何嘉莉（Lillian），依家佗緊B女七個月，早前不幸中咗B型鏈球菌，當時佢話要每日食抗生素，食到生BB為止。
另外，佢亦指因為唔想BB受細菌感染，今胎決定開刀生。
哥哥同妹妹唔知知唔知就嚟多個妹妹呢？
不時喺社交網同大家分享孕婦日常嘅Lillian，琴晚仲同大家公布好消息…
就係佢終於唔使再食抗生素喇！因為醫生話佢檢驗正常，令佢開心到都要食番個蛋糕慶祝吓添~
佢留言：「吃完了！吃完了！早前作最後一次B型鍊球菌檢驗，結果顯示正常！醫生說把家裏剩下的藥吃完，就不·用·再·吃·了！！」
「今天來到最後一顆，我真不敢相信這藥陪着我差不多整個懷孕期了，不過還是值得高興的，當然要吃個Cupcake慶祝一下。」真係恭喜晒Lillian呀！希望佢第三個寶寶順利出世啦！
(ig / 綜合報道 / on.cc)
