富豪劉鑾雄（大劉）同太太甘比（陳凱韻）育有一仔兩女，一家五口十分幸福～
大劉於96年成立的劉鑾雄慈善基金多年來默默幫助很多貧困家庭，大劉已向基金捐款超過40億元，未來會繼續，未來會繼續投放資源和金錢。近兩年來大劉都將慈善基金交給老婆甘比去打理。之前甘比分別喺深水埗同石硤尾以媽媽為名開了劉葉淑婉紀念自修中心。
而昨日劉太代表老公去深水埗派米給老人家，甘比姊姊與大女兒都有一齊做義工。
雖然甘比已經係香港女首富，坐擁身家超過700億，而子女亦係含住金鎖匙出世，但甘比教仔女有一套！
佢希望子女明白幸福非必然，要懂得珍惜眼前擁有的東西，佢亦會帶子女去做義工，了解低下層生活的境況，希望子女長大後，可以好似爸爸媽媽咁積極去做公益事務幫助有需要人士。
昨日甘比大女劉秀樺與媽咪一起去到位於深水埗的Lady Lau自修室中心派禮物，希望長者們過年前收到禮物後可以開開心心，除了白米外，還有水果和禦寒衣服。
甘比昨日上載照片到社交網，佢留言話：「今天去了新開，同樣位於深水埗的Lady Lau自修室中心派米給長者，一些生果同預寒衣物給小朋友，希望大家繼續開開心心，老人家們身體健康！小朋友們努力讀書！大家珍惜一切擁有的人和物！」
網民都大讚甘比人美心更美！
周汶錡、楊千嬅、蘇永康等藝人見到之後都紛紛讚好。
(綜合報道/IG/apple daily)
