前港姐李美慧（Vivi）去年10月誕下囡囡「小糖心」，最近終於出世一百日，不過媽媽同爸爸竟然唔喺身邊喎！
因為Vivi同老公曾文豪飛咗法國滑雪，過二人世界，不過放心，囡囡有婆婆照顧同慶祝！
佢喺社交網分享同老公喺冰天雪地下影嘅相，不過當然冇唔記得囡囡啦：「我們可愛的小糖心一百日啦！爸爸媽媽在法國滑雪，婆婆幫你慶祝，祝小糖心健健康康！快快樂樂！愛你」
而小糖心就獲婆婆送上蛋糕，一面天然呆，非常搞笑，唔知係咪掛住媽咪呢？
個蛋糕仲大個過小糖心~
有婆婆陪住切蛋糕一樣開心！祝小糖心快高長大！身體健康！
(ig / 綜合報道)
