貴為廈門首富之子的藝人林峯自同吳千語分手後，同內地模特兒張馨月拍拖，但佢一改過往作風，低調護愛苗！
雖然平時林峯唔肯講同張馨月有幾好，但就不時被讀者撞破佢兩個孖公仔，之前更喺內地出席張馨月細佬婚禮，睇嚟都已經見晒家長！
今日又有讀者爆料，指林峯今日帶埋「未婚妻」張馨月同成班親戚返石獅祭祖，兩人都着到紅噹噹，胸前仲有個綵球，似足預演婚禮！
而張馨月亦好識做，企喺林峯隔籬傍實。
林峯除咗介紹佢畀親戚好友認識之外，仲盡顯母愛同BB傾偈。
之後仲齊齊化寶，實行學定點做林家新抱！
(on.cc)
