【帶小新去酒店住】李蘊擔心到喊：每日要視像十次..

呢日藝人李蘊（Renee）喺社交網發文，仲表示好唔捨得、擔心到喊。。。

佢晒出一張同囡囡嘅合照，並留言指因為怕細仔小新會被傳染，所以暫時要同囡囡分開一段時間，佢仲盡訴心中不捨：「唉..啱啱睇醫生..我個女甲流..因為傳染性太高..我依家要帶小新去酒店住..晞晞..你要乖乖食藥快啲好返（番）知唔知？媽媽要幾日後先可以見到你..每日要視像十次..」最後更表示自己擔心到喊。

近日流感高峰期，圈中唔少藝人如田蕊妮、薛凱琪、阿嬌等都相繼中招。

(on.cc)