日前係阿嬌38歲生日，成班好朋友容祖兒、蔡卓妍（阿Sa）同埋關智斌等同佢大搞生日派對，場面十分熱鬧。
當然唔少得老公賴弘國啦！兩公婆真係好Sweet啊！
不過鍾欣潼（阿嬌）日前到上海工作，可能同行助手患有感冒，加上助手跟阿嬌、髮型師和化妝師工作期間，四人有密切接觸，結果齊齊「中招」。
據知，阿嬌等一行四人今午回港後，同時感到不適，出現發燒、流鼻水和咳嗽等徵狀，所以他們下機後即到醫院求診，接受流感快速測試，最後報告顯示，全部人都患上甲型流感，醫生馬上開特敏福給各人，而疲累不堪的阿嬌，求診後現已返回家中，自我隔離休息。
阿嬌仲透露發病嘅過程：「昨天去上海的路上就開始咳嗽 今天回港馬上就去醫院看醫生了 體溫38.3度 而且還中了流感 看來要好好休息才行」一班粉絲都紛紛留言祝阿嬌早日康復！
阿嬌經理人霍汶希（Mani)在電話說：「係呀，四個中晒招，阿嬌睇完醫生，啱啱返咗屋企休息，佢話好攰。」至於阿嬌手頭上的工作，有否受影響？Mani表示：「有呀！原定第日要拍廣告，o依家要取消，等佢好番先再安排，多謝關心。」
Mani又補充道：「阿嬌上機前有少少唔舒服，其實佢助手發病先，戴晒口罩，成程機都有戴口罩，未開始發燒，但落機有少少微熱，佢哋去醫院進行快速測試，證實阿嬌、助手、髮型師同化妝師都患咗甲型流感，全部都要食特敏福，佢哋一行五日，成個團隊，得經理冇感染。」
阿嬌現時要在家休息，老公應該會全心全力照顧。
最近天氣轉冷，正值流感高峰期，大家真係要小心啲！
(綜合報道)
