藝人張景淳喺劇集《愛．回家之開心速遞》飾演「龔燁」而深入民心，今日係佢38歲生日，一班《愛回家》嘅劇組成員好有心為佢慶祝，送咗個蛋糕畀佢，大家仲齊齊開心合照。
見到劇中飾演「熊若水」、同「龔燁」係歡喜冤家嘅呂慧儀，突然拎住個蛋糕現身大唱生日歌…
景淳一臉驚訝，估唔到大家畀呢個驚喜佢。
張景淳留言話：「多謝大家的祝福，多謝開心速遞的幕前幕後創作製作團隊帶給我的一切。多謝給我珍重的所有人。」佢仲多謝呂慧儀同單立文嘅蛋糕同生日飯，真係好有愛呀！
張景淳接受傳媒訪問時直言很驚喜：「當時睇緊劇本，聽到呂慧儀唱生日歌，冇諗過係唱畀我聽。」講到生日願望，他表示：「最緊要係身體健康，多啲劇拍。」更笑言依家唔夠錢用：「一日只可以食兩餐，唔敢加錢飲凍飲，希望今年多啲工作啦！」
生日飯好熱鬧！
而當中最驚喜就係最佳拍檔「熊若水」呂慧儀竟然冇向壽星仔獻吻，反而係…
湯盈盈主動送肉嘴勁搶鏡，場面搞笑，網民都話「龔水戀」驚現「小三」呀！
（綜合報道）
