藝人吳綺莉（Elaine）女兒卓林與太太Andi不時喺社交網上載自拍「放閃」。
雖然早前回港遇到阻滯要媽媽吳綺莉幫手，解決咗之後二人又再出嚟租房住。
之前終於有啲收入同老婆一齊宣傳，卓林仲上載咗一張揮春相，話好期待農曆新年來臨呀！
兩個雖然要為生活擔憂，但依然戒唔甩煙癮，點窮都要食煙先。
有讀者報料話見到卓林同Andi現身重慶大廈，二人到兌換店換番啲港幣，期間仲喺度講價，攞到港紙後即刻放入銀包，之後手拖手離開。
見佢哋一路行一路食煙，但就好慳家，一支煙兩分食，食完煙之後就落咗港鐵搭車走人。
(綜合報道/on.cc)
