【湯洛雯朱千雪麥美恩馬國明到賀】堪稱集TVB小花之大成

    就嚟踏入三字頭,琴晚(21日)佢就搞咗個「超齡學生妹初戀之夜」生日P,廣邀圈中好友出席,當中包括湯洛雯、高海寧、麥美恩、朱千雪等,個個校服Look正到爆,十幾人齊齊整古做怪,啲靚相仲多到洗晒版!

    呢個麥美恩好可愛,當堂回曬春!高海寧好似唔多同意…haha~~

    個個都係靚女,堪稱集TVB小花之大成!

    原來壽星女係黃心穎,成班好友一齊同佢慶祝生日,真係好熱鬧!

    唔知呢個手勢係咪代表30嵗呢?

    錫錫壽星女先!

    心穎男友馬國明當然都有份出席啦,影大合照時,仲坐喺心穎隔籬添!

    睇番張相,全場人件外套唔係白色就藍色,而馬國明自己就着住紅色外套,非常搶眼!佢戴住副眼鏡,梳靚埋個頭,加埋個天然呆樣,似訓導主任多過似學生喎!

     

     

     

     

     

     

    (ig / 綜合報道 / on.cc)

    SHARE