身為《3日2夜》鐵腳嘅朱智賢（Ashley 花名：朱朱）除咗拍旅遊節目之外，之後仲有份主持《東張西望》，口才了得！
最近仲參演青春劇集《救妻同學會》，真係多才多藝！
Ashley最近再出發拍攝旅遊節目，之前喺節目大晒好身材同42吋長腿，好似勁歎咁，但其實都有唔少辛酸事！
今次同鄺潔楹去咗芬蘭拍攝，由於當地正值嚴寒，冰天雪地影相睇落好靚，但美麗背後其實凍到騰騰震！
Ashley喺社交網話凍到鼻都傷咗，見佢仲無晒精神，見佢仲將塊暖包貼喺面度！
原來佢要喺攝氏負28度下拍攝… 
真係少啲體力都唔得！
佢留言話身體都開始頂唔順：「-28度 喺冰湖上奔馳 真係唔係人咁品#暖包要直接貼落塊面度保暖#真係來回地獄又折返人間 #挑戰人體極限 #個鼻已經凍傷左（咗）#塊面都無知覺」真係睇見都覺得辛苦，網民都叫佢頂住呀！加油呀Ashley！
(綜合報道 / facebook)
