當年全憑監製李添勝能夠慧眼識英雄，「攝合」古天樂同佢創造經典，估唔到事隔24年後大家可以再合體搞gathering，仲順便賀李添勝牛一添！
李若彤同古天樂呢對神仙組合難得碰頭，「姑姑」李若彤就喺社交網上載多張合照，當中佢同古天樂兩個人嘅合照仲特別多。
二人又自拍又搵人揸機，搞到啲網友都話佢哋兩個好似放閃一樣咁Sweet！
集體回憶當年佢哋啲喺劇中嘅感情，就算係廿幾年後二人都仲係襯到應呀！
講起李若彤，一定會諗起被喻為「最美小龍女」嘅稱號，當年佢仙氣逼人，似十足落入凡間嘅女神一樣，連《95神鵰俠侶》入面隻鵰企佢隔籬都靚埋，加上男神古天樂坐陣做楊過，金童玉女畫面襯到識發光咁滯！
當年古天樂飾演楊過
而姑姑小龍女就由李若彤飾演
網民都大讚佢哋係金童玉女，襯到絕！仲激讚45嵗李若彤Keep得超好添~
(綜合報道 / 新浪圖片 / on.cc)
