樂壇校長譚詠麟琴晚喺上海開演唱會，不過竟然差啲發生舞台意外險墮窿！
有網民拍得驚險一刻，見到唱緊《情人》嘅校長，突然Kick一Kick，好在反應快順勢轉咗個圈冇事發生！
校長定一定神，喺女dancer拖住下行去第二個位置繼續跳唱，非常專業！
校長喺社交網上載多張演唱會嘅台上照片…
留言講述驚險一刻：「再一次謝謝上海的朋友，你們晚上看得開心嗎？其實在唱《情人》的一段期間，我背後舞台上的機關早放了下去讓我差點兒一個不小心摔下洞內；但還好因平常段練（鍛煉）有功化險為夷！所以說舞台上真的是機關重重，下次我會更加小心！」
唔少粉絲知道之後，都留言叫校長小心啲，仲讚佢寶刀未老！
（on.cc）
