【恨咗好耐】唐詩詠:有好多睇法都好相似

    藝人唐詩詠(Natalie)以一身型格西裝造型出席活動。

    詩詠之前透露過有一位追求者係圈外人,但就好秘密話:「唔講,講咗會冇。」問到進度如何?Natalie說:「依家要開劇拍5個月,可能拍完先再了解,同埋今次套劇要做打女,所以要抽更多時間預備同練功,要專注工作先,未有時間拍拖。如果問我鍾意傾電話定瞓覺,我會揀瞓多啲,因為身體冇以前咁好。」又透露買了一張摺床放在廠中,可隨時休息非常舒服。

    另外,佢希望今年可與馬德鐘合作拍劇,相信二人會有不少火花:「一直未有機會合作,但係喺啲朋友生日或聚會,都會成日見面。以前我以為佢唔拍TVB劇,因為出咗去發展,點知佢有返嚟拍,所以我希望大家有機會合作。(想同佢演情侶?)我覺得可以,因為大家傾偈時有好多睇法都好相似,同埋佢係一個好容易傾偈嘅人,如果要合作相信都冇問題。」

    (綜合報道/on.cc)

    SHARE