今日係前港姐冠軍麥明詩27歲生日，佢琴晚十一點幾就已經發文祝自己生日快樂。
佢話：「26歲開始的並不燦爛 – 還記得我去年生日時因個人經歷及輿論壓力感到巨大的挫敗感和傷痛，往後幾個月更續於自我矛盾及迷茫中掙扎著。但這段時間給予了我機會去生活和成長 – 因爲生活就是有黑有白有笑有淚，成長就是在黑暗中仍展望明天太陽會出來，並且在陽光下知道黑夜將又會來臨卻能處之泰然… 26歲的下半年，我收到好多禮物 – 拿到資格、遇到一些貴人、參與的劇集播放、迎接更多的節目及拍攝。這許多的禮物，去年給我的話我可能會覺得理所當然，但今年的功課讓我學懂每一件好事都要好好珍惜。
生日願望？不是明年順利開心 – 反而是明年能在不順利中仍懂得開心 – 因為pessimistically optimistic來說：it could have been worse。」
似乎過去一年確實悲喜交集，亦都唔太順利，不過今日係自己生日，Louisa就開心啲啦！
麥明詩社交網
話曬今日生日正日，佢竟然收到荷里活影壇巨星麥迪文（Matt Damon）嘅Inbox訊息，簡直開心到癲！
「麥迪文」個留言一開波就自我介紹係荷里活演員，隨即就話有興趣想認識吓Louisa，仲講到明對佢有興趣添，就好似直接向佢表白咁呀！
正當開心到癲之際…
認真睇，原來……係個假賬戶嚟，但係麥明詩依然將佢上載去社交網。
今日要喺工作中度過嘅佢又自爆已經收到驚喜生日禮物，唔知係邊個送呢？
（facebook / on.cc）
