【遺傳洪欣優良基因】仔仔張鎬濂一秒變OPPA!

    藝人洪欣大仔張鎬濂(Ashley)轉眼間已經18歲,大個仔啦!


    之前Ashley畢業嘅時候,繼父張丹峰PO相留言:「未曾錯過哥哥每一個重要的時刻,中學畢業啦!從幼兒園,小學到中學怎樣覺得一眨眼就過了,時間去哪?還好我們都沒老。」張丹峰將Ashley視為己出,難怪Ashley咁敬重佢!


    仲好錫妹妹!

    洪欣之前提過無論仔仔做咩決定都會支持:「最重要佢開心,由細到大,唯一希望佢成長過程,將來到老都可以快樂,唔使為其他事擔憂。男仔對事業比較看重,我成日同個仔講,任何事都唔使太緊張,只要盡咗力,就算達唔到理想都唔緊要,最重要問心無愧,快樂同健康。」


    Ashley盡得媽咪真傳,眼大鼻高,外形俊俏,加上表演欲旺盛,不時在社交網上載跳舞片段和自拍照,難怪一直有傳他會加入娛圈繼承父母衣砵。早前仲去咗韓國學跳舞做OPPA!


    潮爆韓仔Look打扮,睇落都有幾分似Oppa㗎。

    早於今年7月,盛傳他簽約了內地公司「樂華」做范丞丞師弟,並準備參加節目《偶像練習生》第二季。

    直至近日,Ashley終落實正式出道,日前他被拍得現身北京機場,一身韓風打扮,穿上杏色外套,再佩戴潮爆耳環,星味十足。

    曾跟隨父母錄製綜藝節目的Ashley對鏡頭相當敏感,不時展露微笑,舉手投足充滿自信。

    對於兒子入行,洪欣十分低調,未有回覆。

    (綜合報道)

    SHARE