【余香凝摸孕肚超緊張】結婚一年宣布懷孕:呢個秘密一直忍住唔講

    上年同富二代俊男拉埋天窗,八年半愛情長跑修成正果!

    同余香凝、陳詩欣係好姊妹,「三大金花」互相見證住大家每一個重要嘅時刻。 估唔到結婚一年就傳來好消息,升呢做爸爸媽媽啦!

    組合Super Girls師妹、模特兒鄧穎堯(YoYo)日前喺社交網晒出一張老公錫肚相,宣布懷孕喜訊!

    佢留言話:「這個秘密我們都一直忍着不說不提 朋友們都好奇到底我在忙甚麼 今天我想跟大家分享啦~對啊 我在孕育肚裏的小生命 過去這段日子實在十分嗜睡和沒有精神 現在已慢慢回復正常了 每一次產檢和聽到BB心跳都很感動 這不是脂肪 這是我們的BB啊!」

    而老公Daniel都有PO相報喜:

    「我 快 做 爸 爸 了 🥳🥳
    第一次擁有我倆愛情結晶品
    第一次聽到小寶寶心跳
    第一次覺得自己啤工滿分
    第一次覺得老婆個肚腩大過我
    第一次踏進BB用品中心
    第一次好想買唒所有bb產品
    第一次睇邊架bb車好用
    第一次睇人換尿片
    第一次俾老婆大我 “bb話要食”
    第一次見老婆早起身過我
    第一次,妳給我很多的第一次
    第N次感謝神,您實在太奇妙」

    呢日YoYo再PO同兩位好姊妹嘅合照,相中見到余香凝同陳詩欣齊齊摸住孕肚,畫面超溫馨!

    而YoYo就搞笑話姊妹太緊張BB,令到老公呷哂醋:「呢幾個月佢哋兩個都好興奮好緊張 會諗吓使唔使影番輯靚相珍藏 又會諗吓住醫院幾日使唔使陪我『E&J:我哋差在未入去剪臍帶咋!李生:又關你哋事呀?』」

    仲話:「陳小姐每次見面就瞪大對眼
    審問我晏晝食左啲咩 夠唔夠營養(驚)
    至於契媽 契媽話會好錫好錫你架!
    佢講架 到時唔錫你你拎返呢個post出黎問佢啦🥰」

    Yoyo同鄺潔楹(Judy)都係好姊妹,唔知係咪其中一個契媽呢?

    (綜合報道/IG)

    SHARE