【盧淑儀46歲生日】廿四孝老公李克勤超識做!

    1992港姐冠軍盧淑儀尋日46歲生日,究竟老公李克勤有咩表示呢?

    克勤喺Instagram上載照片,原來佢哋尋日去咗睇羽毛球比賽,又落場打波,之後就簡簡單單食個蟹粉拌麵,克勤再送上蛋糕慶祝,雖然冇咩華麗生日派對,但李太依然心滿意足,不自覺露出幸福笑容!

    而當中嘅亮點就落喺克勤嘅祝福上,除咗祝老婆:「生日快樂,身體健康,每天開心!」

    仲勁有心機tag住「食極都瘦」「瘦完再瘦」、「keep住靚」、「叉燒唔打落網」、「老闆默書全中」,而最搞笑嘅係佢話「我搵多啲錢」,呢個廿四孝老公兼老竇真係抵錫呀!

    陳貝兒(右)早前為盧淑儀慶祝!

    (on.cc)

    SHARE