藝人麥明詩到小西灣一所學校出席劇集《是咁的，法官閣下》宣傳活動，最近她在美國獲得律師執業牌。
（相關新聞：https://goo.gl/buBfNW）
她透露這幾年都在自修，一有時間就讀書，對於有網友指她可以專心做律師退出娛樂圈。
她說：「都唔排除呢個可能，呢個係我第二樣職業，都要為自己將來打算，做藝人去到某個年紀未必咁多嘢做，都要為自己打算下，不過我仲係全職藝人，仍會繼續拍劇，只係圓咗自己心願。（父母想你做律師？）佢哋都開心，都想子女將來穩定，多個資格冇壞。（催你做律師？）催我結婚多啲，我覺得為自己增值緊要啲。（唔做律師咪嘥咗？）讀書過程都辛苦，但學到嘅係自己知識。」
她又透露今次在美國考獲執業牌照，若要在香港做律師，屆時也要在香港考牌：「要讀一年，再做兩年實習，投放三年時間冇得做藝人，屋企都唔建議我唔賺錢，所以依家嘅方法最兩全其美。」
（on.cc）
