【可愛爆燈】張瞻張靖人仔細細超犀利!

    Karina一開始望實阿哥,喺佢嘅感染下都cute到爆咁揈吓揈吓,Patpat仔搖搖搖,可愛程度簡直爆晒燈!

    歌手謝安琪與張繼聰前晚(10日)一家大細現身年度戶外音樂節Clockenflap。

    大個仔嘅張瞻同妹妹張靖(Karina)兩個人仔細細,去到咁大型嘅活動都不知幾Enjoy,隔咗兩日,老竇張繼聰就上載咗三個人齊齊「鬥舞」嘅短片,原來佢哋成家人都係「舞林高手」!

    片中見到張繼聰做領舞,喺強勁嘅音樂下,張瞻狂Un狂搖非常投入,仲跟住個beat拍晒手,動作型到呢,真係成個翻版張繼聰咁!而先得歲幾人仔嘅Karina,原來都舞得兩下,見佢一開始望實阿哥,喺佢嘅感染下都cute到爆咁揈吓揈吓,Patpat仔搖搖搖,可愛程度簡直爆晒燈!

    而睇完騷,張瞻就喺社交網上載一家人去咗附近醫肚嘅合照,今個Weekend真係又充實又溫馨~

    (on.cc)

    SHARE