【洗米華有驚喜】冧爆洗米嫂!

    噚日係洗米嫂陳慧玲(Heidi)嘅38歲生日,之前一家就去咗日本旅行!

     

    噚晚洗米華(周焯華)率領全家總動員為佢搞咗個生日派對,仲為老婆送上驚喜禮物,o氹得洗米嫂幾咁開心。


    洗米嫂向來愛美,現場一片花海,其中一盒係用花砌成洗米嫂嘅英文名「HEIDI」,而蛋糕亦係女人至愛嘅高踭鞋,設計甚具心思。

    Paco都有出席,而洗米嫂就身穿一條白色low cut裙,配古銅色肌膚特別sharp醒。


    洗米華孖住各家庭成員,包括大仔周柏豪、大女周梓潼同3歲細女周善潼一齊唱生日歌,善潼表現得最開心,仲同Daddy媽咪一齊吹蠟燭,場面溫馨。

    洗米華還送上一套花型圖案嘅鑽石頸鏈及戒指之餘,仲親自為老婆戴上,見洗米嫂笑得超甜美,就知佢今年生日過得特別開心。

    據悉洗米華整晚都唱情歌搞甜蜜氣氛,兩夫妻感情由之前嘅冰點轉為恩愛,或許與Mandy Lieu近年變得低調有關。

    (Apple daily)

    SHARE