今年無綫「視后」一獎競爭特別激烈，有份候選的演員陳煒、胡定欣、黃智雯等早前便出發往星馬拉票。
加埋其他獎項候選人如李施嬅、袁偉豪、譚俊彥及黎諾懿，一行七人聲勢浩蕩！
不過人一多，又身在外地，好多真性情就Show晒出嚟喇！
講明拉票，眾人除咗去當地出席現場活動，同當地粉絲互動，佢哋都有喺社交網晒相拉票。
不過翻查番幾位嘅IG，活動合照當然齊晒人，但係多張私下Selfie嘅大合照中，就零零舍舍唔見陳煒，相反其他六人就開心頭貼頭合照。
有網民質疑係咪同樣都係憑《宮心計2深宮計》問鼎視后嘅胡定欣拉隊嗌眾人杯葛陳煒，搞到大合照冇咗影呢？
(on.cc)
