【熊黛林貼四人餅印照】網民話直情似到分唔到!

    名模熊黛林(Lynn)今年4月為老公郭可頌誕下一對可愛孖女Kaylor同Lyvia,一家四口樂也融融,相當幸福!


    呢日係Lynn同老公結婚兩周年,雖然唔再係二人世界,但就多咗兩個咁得意嘅囡囡,而兩個囡囡亦話咁快就嚟半歲喇!

    Lynn喺社交平台上載咗兩張對比圖,將孖女分別同自己同埋老公嘅兒時照片嚟個對比,明顯睇得出兩個囡囡嘅樣完全唔同,一個囡囡似爸爸,而另一個就似媽媽。但兩個都有個共通點,就係遺傳咗媽咪嘅動人眼睛,眼仔睩睩好精靈!好多網民都大讚雙胞胎囡囡十分可愛,更有網民搞笑話一睇就知係佢哋兩個係親生女!

    Lyvia(下圖)同媽媽熊黛林。
    Kaylor(下圖)同爸爸郭可頌。

    果然兩個囡囡盡得父母真傳呀!網民話似到分唔出邊個係Lyn、郭可頌同兩個囡囡添!
     

     

     

    (微博 / 綜合報道 /on.cc)

    SHARE