【利嘉兒產後極速收身】囡囡愈大愈可愛!

    藝人利嘉兒(Lily)與老公Bong結婚八年,上個月誕下體重7.2磅囡囡劉書雅(Karyssaz)。

    呢個BB真係得來不易,佢自爆曾小產過兩次:「其實預咗要8年時間,之前試過冇咗兩次,其實第一次時好難受,知道冇BB呢件事係冇原因,可能係發育問題。第二次有咗經驗,冇第一次咁難受,但有陰影,有啲生過嘅朋友同我講,其實好普遍,心就舒服啲。呢兩年努力啲,時間緊迫。」

    今年終於得償所願超幸福,對囡囡自然就錫到燶啦~

    眨吓眼Karyssa一個月大喇,利嘉兒就為佢搞咗個一個月大生日會。

    相中見到Karyssa戴住頂皇冠,眼仔睩睩相當可愛!

    生日會充滿童話式布置,擺放咗唔少汽球,仲帶啲熱帶雨林Feel!另外,現場仲擺放一個藍色生日蛋糕同巨型糖果,真係好有心思!

    而產後嘅利嘉兒收身速度相當之快,見佢面尖尖身形依然纖瘦,真係得天獨厚呀!

    (on.cc)

    SHARE