苟芸慧同陸漢洋今午舉行午宴，開場時，新娘子穿上超性感拖尾長婚紗入場，播出於加拿大婚禮新郎哥陸漢洋大唱迪士尼動畫《美女與野獸》主題曲《Beauty and the Beast》。
新娘子苟姑娘戴住三卡名牌鑽戒，約值170萬。
之後苟芸慧亦有再換上一套黃色低胸露肩公子裙，原來呢條裙嘅設計係取材自電影《美女與野獸》入面嘅貝兒。頭上所佩戴是Tiffany&co鑽石Paper Flower系列后冠，全球8個，香港只有一個，變身公主的苟芸慧與老公陸漢洋跟一班賓客合照，場面熱鬧。今日嘅午宴約有80名賓客，包括關心妍帶埋囡囡，以及形象設計Ricky（郭慶斌）。
上月舉行婚禮時，陸漢洋闖關接新娘，都被要求扮成王子唱《Beauty and the Beast》。
婚宴菜式以西式為主，菜式包括頭盤瑞士薏仁湯伴風乾火腿，主菜係爐魚拼帶子或香草焗雞胸，而甜品係瑞士朱古力慕士果仁蛋糕。
而回禮禮物都好有心思，包括一個銀製銀紙夾。
相關新聞：
【要生夠4個B 陸漢洋為冧老婆扮野獸：一世唔夠，要愛你三生三世】https://goo.gl/V3sv6R
【苟姑娘出嫁 索爆姊妹團有⋯】https://goo.gl/93SFuY
【恭喜陸生陸太！苟芸慧主動錫錫老公】https://goo.gl/W8uPYS
【苟芸慧出嫁 姊妹團都Get Ready啦：Byebye處女黨】https://goo.gl/LzwJFd
【拍拖三個月去拜山 當日苟芸慧一口答應令陸漢洋超感動】https://goo.gl/Z17B2d
(綜合報道)
