噚晚喺社交網，藉住同大女Maddie慶祝三歲生日，公佈喜訊，除貼咗同老公Justin同囡囡切蛋糕相外，仲貼了一幅佢哋兩母女黃昏剪影相，Maddie就錫住佢肚，代表迎接BB出世做家姐。
曾文豪32歲嘅大女曾昭怡、即何超瓊契女又有咗。昭怡就用英文分享呢三年為人母經驗，佢話做媽咪係好有滿足同回報嘅體驗，感恩有大女，讚佢係世界上最可愛嘅囡囡，還表示Maddie就會多一個伴，可以同佢成長，同分享生活，相信佢會係最好嘅「Big Sister」，昭怡更hashtag了#3=1=4，代表四人家庭即將來臨。
唔少好友包括何超蓮、吳雨霏都留言恭喜佢。
31歲前落選港姐李美慧…
今年6月同56歲富商曾文豪奉女成婚，成功嫁入豪門兼雙喜臨門，今個月就係預產期，曾文豪再做老竇，連同之前已有三個女，包括大女曾昭怡、二女曾昭亮同細女曾昭令同兩個仔，即係做第六任爸爸。
原來，曾文豪家中又有喜事，佢今個月再做爸爸外，原來出年又抱孫做外公，李美慧就快做媽咪，大過佢一歲嘅繼女曾昭怡又再度有B，即係李美慧都算抱孫做「婆婆」，計埋都係雙喜臨門。
(apple daily)
