【陳展鵬單文柔中式婚照曝光】準陳太:我唔忍心佢畀人玩!

    無綫藝人陳展鵬與拍拖兩年的單文柔(Phoebe)突然宣佈結婚,早前已於英國拍下「閃爆」恩愛求婚的婚紗相,雖然一直對婚事隻字不提,但認識展鵬的朋友,都知他是有計劃和踏實的人,拍拖以來一直視Phoebe為終生伴侶。

    一對準新人除要出席公開活動外,更忙於為明天假香港四季酒店舉行的婚宴作籌備,日前更專誠於廈門請來專業攝影團隊,拍攝中式結婚禮服及裙褂照,多輯相片及裙褂都很有特色,拍攝過程亦相當溫馨及順利。

    Phoebe接受專訪時說:「我覺得輯相好Sweet、好溫馨,影出嚟大家都好開心,自己好鍾意啲裙褂同埋頭飾,因為我未試過拍古裝,所以感覺好得意、好靚,每一樣嘢都好有意思!」而展鵬坦言只要未來太太鍾意,自己都會鍾意。

    明天的婚宴只邀請親友及長輩見證,屆時一對新人即場進行簡單而隆重的簽字儀式,據知不會設玩新郎環節,問及此事,Phoebe竟說:「係呀、係呀!我會用其他嘢代替,我唔忍心佢畀人玩!」果然冧到爆!問到展鵬如何回應未來老婆錫到燶?他說:「佢咁錫我,我當然會兩倍送畀佢啦!我會用我嘅方法,令佢一世難忘。」

    喜帖以精美盒子盛載,喜帖藏在他們的浪漫婚照之中,別出心裁,以中英文雙面印刷,英文一面白底金字,印上一個由「RP」組成的標誌;中文印刷一面跟足傳統,以紅底金字寫上一對準新人明晚假中環四季酒店擺酒,期待與親友分享結婚的喜悅。

    另外,日前一對好姊妹劉穎鏇及魏韵芝給Phoebe意外驚喜,為她搞婚前派對。
    忙到聲沙沙的Phoebe說:「我失聲呀,依家已經好咗,呢排真係好忙,喺婚宴場地布置及賓客回禮方面,我都落咗好多心思,希望到時有啲特別啲嘅嘢送畀賓客,因為太多嘢想做好啲,反而變得複雜咗,原先都冇時間搞婚前派對,不過佢哋都好好,自己預備畀我,我事前真係唔知,佢哋話約我食飯,我當時仲着到好Hea咁出去,但佢哋就悉心打扮,仲準備咗蛋糕同花,真係好多謝佢哋。」談到出嫁在即可有心情緊張,她笑說:「暫時都未,不過我哋錄咗啲片喺婚宴時播,睇番都已經好感動。」

    旗袍服飾提供:DanieLeslie
    旗袍攝影團隊:ALVIN VISION

     

     

     

     

     

     

    (綜合報道 / headline / on.cc)

    SHARE