婚照亦曝光，擁有高佻身材嘅新娘子穿上一襲lace貼身婚紗，款式真係好蝦人著，除咗前面低V露事業線，仲騷靚滑玉背，盡現葫蘆型的優雅身段。
見到咁靚嘅新娘子，新郎哥不禁在大草原上與朱璇情深一吻，非常浪漫。
31歲08年國際中華小姐冠軍朱璇昨日被《蘋果》率先爆結婚，與年輕版伍衛國在比利時一間古堡式酒店舉行婚禮。有指新郎哥是大陸富二代，朱璇好低調，僅邀請至親好友，圈中人只有陳爽偕家人一齊參與，簡單而隆重。
結婚儀式完畢後，朱璇亦有爭取時間與一眾好姊妹合照，見佢摸住陳爽臉頰，左手無名指戴上一隻婚戒，雖然沒有閃耀巨鑽，但喜悅嘅燦爛笑容，「幸福」兩個字已掛在臉上。
而陳爽就話：「我哋幾個朋友送咗一條鑽石手鏈畀璇璇，新娘子好靚、好幸福，佢老公人好好、好錫佢。」
(蘋果日報)
